awebDSC06664
BuiltWithNOF
"En meim Dörfle"

 

En meim Dörfle uf dr Alb,

was machet do dia Leutla all?

Se leabet friedlich, solang´s goht

Ond kois en falsche Hoora grot.

 

En meim Dörfle uf dr Alb,

was machet do dia Leutla all?

Se send fleißig ond meist au reacht,

sich zom Drucka, des stoht en schleacht.

 

En meim Dörfle uf dr Alb,

was machet do dia Leutla all?

Se suachet Aschluß, mo´s no goht,

a “Solo” ihne gare t stoht.

 

En meim Dörfle uf dr Alb,

was machet do dia Leutla all?

Ach daß se gare t send alloi

Grendet se oifach en Verei.

 

En meim Dörfle uf dr Alb,

was machet do dia Leutla all?

En Gsangverei, en Gsangverei,

do wurd des Herzle jo so frei.

 

En meim Dörfle uf dr Alb,

was machet do dia Leutla all?

En Kirchachor, en Kirchachor,

der brengt des Gotteslob hervor.

 

En meim Dörfle uf dr Alb,

was machet do dia Leutla all?

Musikverei, Musikvrei,

do spielt Alt on Jong, au no so klei.

 

En meim Dörfle uf dr Alb,

was machet do dia Leutla all?

En Sportverei, en Sportverei,

der sorget für Bewegung fei.

 

En meim Dörfle uf dr Alb,

was machet do dia Leutla all?

En Albverei, en Albverei,

durchwandret´s Ländle naus ond rei.

 

En meim Dörfle uf dr Alb,

was machet do dia Leutla all?

A Fuierwehr, a Fuierwehr,

zom Löscha muaß se eilig her.

 

En meim Dörfle uf dr Alb,

was machet do dia Leutla all?

En Frauakreis, en Frauakreis,

do gent se ´s Neu´schte heimlich preis.

 

En meim Dörfle uf dr Alb,

was machet do dia Leutla all?

Au drondernei geschaffa gau,

weil halt dia Märkla sott ma hau.

 

En meim Dörfle uf dr Alb,

was machet do dia Leutla all?

Häusla baua, wia grausig nett,

Möbel, Auto, om a jeda Wett.

 

En meim Dörfle uf dr Alb,

was machet do dia Leutla all?

En da Urlaub ond do reacht weit,

uf Berg, an´s Meer, mo´s oin halt freut.

 

En meim Dörfle uf dr Alb,

was machet do dia Leutla all?

Se schwemmet do ond fahret Schi

Ond specket ab ob solcher Müh.

En meim Dörfle uf dr Alb,

was machet do dia Leutla all?

Obeds dent se fernsehgucka,

schweigend duat ma zema rucka.

 

En meim Dörfle uf dr Alb,

was machet do dia Leutla all?

Se komet en da Altakreis,

weil dahoim isch halt so leis.

 

[Home] [Unser Dorf] [Unsere Vereine] [Also do fällt mir ei ...] ["Upfenger Albhomet"] ["Mei Dörfle"] ["En meim Dörfle"] ["Upfinger Lied"] ["Beim Bacha"] [Impresum] [Unsere "Spezialitäten"] [Unbenannt47]