awebDSC06664
BuiltWithNOF
"Mei Dörfle"

 

´s geit en ausram schöna Land

so vill Dörfla, obekannt,

doch ois drvo, des kenn i guat,

do kreist meiner Ahna Bluat.

I kenn dia Leutla älla drenn

Von unta, ussa, inna drenn,

send lauter nette, brave Leut,

wia ma´s gern hot, wenn´s dia geit.

Do ischt´s Leaba a wahra Freud,

Wenn´s guate Wörtla geit.

Nette Leut, des muaß i sa´ -

Ausnahma duat ma vrdra´.

Ond a graußa Kirch stoht do

Mit alter Orgel enna dra´,

a Rippagwölb em Chor,

verzierter Taufstoi stoht davor.

Ma ka Sonntig für Sonntig fei,

der mo gern will, en se nei;

ond Sitzplätz, des hot´s jo vill

für jeda, mo´s benutza will.

Kendergata ond Schulhaus

Bildet onsre Kender aus.

D´ Volksbank ischt für grauße Leut,

weil´s do dia Moneta geit.

Des schöne Pfarrhaus, wenn ma will,

ischt Herrn Pfarrers Domizil.

Do mo er wohnt ond studiert

Ond seine vill Ämter führt.

Neba dr Kirch ´s nui Backhaus raucht,

weil ma Brot zom Leaba braucht,

Bänkla send neababei,

dia ladet zom Sitza ei.

A Museum, do guck na,

Was ma ällas sammla ka,

zom Schlitta-, Schnaischuah fahra

vo jetzt on frühere Johra.

Bronna rauschet drneba dra,

Kender patschet freudig do –

Nett ischt auser Kirchaplatz!

Alt ond Jong hent do ihrn Spaß.

Auser Dorfzentrum ischt schö,

se lobet´s au en älle Tö,

Auswärtige send au voll Lob,

au des gfällt ons, so a Prob.

Ond Stroßa send jetzt emstand,

hent Löcher ghet jo allerhand,

ausbaut jetzt ond Gehweg dra,

dass ma fahra, laufa ka.

Häuser älle, do guck na,

verputzt ond gmolet, Läda dra.

Überall ischt älles gricht –

Upfinga hot a Sonntigsgsicht.

Schöne Beem ond greane Hecka

Zieret au no ausern Flecka,

ond dia Bloma, wela Pracht,

hent auser Dörfle freundlich gmacht.

Bloma, Nloma überall,

ma freut sich uf jeda Fall.

So isch´s Dörfle mit de Leut,

wirklich nett, dass des so geit!

Ond für mi isch bsonders so –

Weil i be doch dahoima do.

 

[Home] [Unser Dorf] [Unsere Vereine] [Also do fällt mir ei ...] ["Upfenger Albhomet"] ["Mei Dörfle"] ["En meim Dörfle"] ["Upfinger Lied"] ["Beim Bacha"] [Impresum] [Unsere "Spezialitäten"] [Unbenannt47]