awebDSC06664
BuiltWithNOF
"Upfenger Albhomet"

 

A Bauradörfle uff dr Aalb, bescheida henda drüba,

s´leit zwischat Äcker ond am Wald, so mitta drenn em Frieda.

A alte Kirch ond grauße Höf ond scheene Häuser viel,

ond Bloama uff de Fenschdarbrett, so ganz em Gärtnerschtiel.

 

A Flecka rausbutzt wia a Braut, da kennscht en kaum mai wieder,

ond jetzt ischt Upfinga, hosch g´haert, au bei de Landessieger.

Obnets sitzt vor manchem Haus, d´Ahna on dr Ähne,

ond d Enkel schbrenget uff dr Gaß ond schbielet “suach mo beene?”

Wenn s´Korn ond d´Rüaba send dahoem ond d´Wälder sech verfärbet,

hents d´bauraleut no ruhiger mit ihrer haerta Ärbet.

Ond kommt no Kälte, Froscht ond Schnei ond Raureif uff de Buacha,

no biadet d´Alb ons no viel mei, ma muaß d´Natur halt suacha.

 

Mei Hoemet ischt a netter Fleck, dohoba ischs halt schee,

des isch dr Grond, wenn da me frogscht, worom i glücklech bee.

 

[Home] [Unser Dorf] [Unsere Vereine] [Also do fällt mir ei ...] ["Upfenger Albhomet"] ["Mei Dörfle"] ["En meim Dörfle"] ["Upfinger Lied"] ["Beim Bacha"] [Impresum] [Unsere "Spezialitäten"] [Unbenannt47]